發左毛未呢,唔知~哈哈

清明節~~~

今朝好早就起左身~~~
因為今日係清明節~
所以今日同阿爹去拜山~
講起拜山呢個活動我都有好幾年無參與了~
今朝一早起身搭火車落上水再轉小巴入去~
入到上水突然腦海浮現好多野出黎~!!
唉...不過算啦~往事只能回味~!!
點20分去到TM到join埋我d親戚~
10點鐘起程~
第一站: 流浮山~ 去到流浮山真係有驚有險~上山落山~
行左大慨都有10分鐘就上到去太ma個到~~
環境尚算唔錯~望到大陸~~~ 之後就開始化寶~~
攪下呢樣個樣都成12點幾~
之後又要落山~唉...唔怪得人地話上山容易落山難
真係....
不過算啦~都係一年一次~
之後就搭的士去第二站
第二站: 青松觀 , 一上的士同司機講青松觀~之後阿司機好似有d唔識咁
之後我就彈左一句"青山醫院對面呀,司機".........
過左一陣就見到人山人海既青松觀~~
嘩~~真係多人到呢.....
之後我同阿爹去拜左土地公先~
再同阿爹上去阿爺到拜阿爺~
上完香之後同表哥堂哥阿叔地望出去~~
之後係到傾~
阿叔講開而家好多生人霸死地~
佢覺得他死後已沒地方安葬
之後堂哥就講宜家有海葬呢樣野~
我好奇地問放係邊個海
佢話好似赤立角個邊
嘩~都幾遠喎...但我始終覺得海葬唔係咁好
唔知係我傳統定係點呀~始終無左個位好似差d咁
之後表哥講左一句好爆既野出黎~聽完之後笑死我~
"嘩~我死左之後唔好同我海葬呀,宜家都唔識游水ga啦~死左之後仲放埋落海~咪又要死多次"
哈哈~~~勁爆~我呢個表哥又係一個好玩得既人黎~
之前見親佢都一齊講笑~~~
有次見到我堂細佬~仲好笑~
我堂細佬話星期六幫手去賣旗~之後我表哥就陣左一句好爆既野出黎~
"做咩呀~做得陰則野多呀,咁神心去賣旗"
哈哈~好爆~~
不過都係過笑啫~~
好啦講番拜山先~~
拜完阿爺之後轉移去拜阿ma
幾經辛苦終於逼到出去~!!
之後去到阿ma到~
見到阿ma真係好掛住阿ma~~
生前個時阿ma我鍚我地~~~
唉...
之後阿伯佢地放好生果,同阿ma生前愛食的東西之後就開始上香~
上完香之後我就過左隔離去拜太公太婆~
買了一扎香上給他們~~~
好啦~~~
完成晒所有野之後~我地便轉移到第三站~
第三站:友愛村個間酒樓食飯~
去到酒樓~星表哥點了20樣點心~~
真係大開眼界~成桌都係~~哈哈~~~
之後B表哥同左表嫂同佢個女黎~
我都係第一次見佢個女~
因為之前係阿爹到做個陣都無時間見~
佢個女勁得意~
之後表嫂話~叫表叔啦...呀.....=口=
突然之間老左咁多既......
唔係呀化.........
唉~~
但B女真係好得意~
影左兩張相~遲下先放上黎啦~哈哈~
到差唔多2點幾我地便各自歸家了~
途中我同阿爹訓死左~哈哈~
真係好累~~!!!
之後係上水火車站再轉火車歸家~~~

今日就完成了我地做子孫既使命啦~~
完成~~~
加一分~~哈哈~~~~

我得到了很多~

今日訓左足足12個鐘~~~
醒晒~~~~
哈哈~~~~
正~~~
今日1點同左阿娘出左去大中食lunch~
去左豆漿大王到食~~~
食左個什麼芝士雞扒撈面...
=口=
之後番番屋企坐左陣就入左元朗搵阿師兄~
次次入到去我都會迷路...
過左2個字後先去到~
嘩~一見到師兄~
阿師兄話我面色唔係咁好~
之後講左好多野~
佢話我人緣好好~好乖仔~好多人鍚~~
聽完佢呢幾句勁開心~哈哈~
但佢話我好難玩~
人地話去邊就去邊~
我亦諗深一曾~
我都好內無浦bar & pp啦~
咁仲有其他地方嗎?
咁之後佢話我有好多貴人幫我~話我好有老細緣~話我有諗頭~識到發揮所長~
咁呢樣野就要留待日後先知啦~
病痛就大病就無咩,小痛就無好避免~
咁之後我只係同佢講左話我呢排有d煩惱~
佢二話不說就彈左句野過黎~
佢話人地選擇唔愛你,你咪搵個第二個囉~
下....我都無講話係感情,你做咩講出來喎=.=
激死~

咁之後傾左一陣搭64k番大埔~
途中個頭勁痛,又勁想嘔.......
都話唔搭得出途車同小巴ga啦.....
勁辛苦...
番到屋企阿娘追問我師兄話我d咩
我咪一一講比佢聽
之後阿娘就似落井下石般說"都叫你聽人講ga啦"
=口=無奈....

食完野之後,我頭先好無聊地睇番我以前d xanga~
大大話話都寫左好幾年同好多開心&唔開心野~~
睇番都覺得好好笑~~~
係我身邊出現過既人真係好多
有d只係係你身邊擦身而過
有d陪到你行某一段路就離開左你
有d係你路途比左好多人生既經驗你
有d係你路途比左好多唔好既野比你
其實種種以上既人
我地都好應該感激佢地
無佢地既出現~
你既人生就唔會見識到咁多野~
唔好既野會令你唔開心~
但用另一個角度去睇
其實唔好既野會令你有好既轉變~
例如人地成日話你幾唔好幾唔好,其實佢地係提醒緊你叫你唔好再犯~~
拿~你睇~~~係咪舒服好多呢~
人地講既野你可以接受,但做唔做就睇你自己點睇啦~
所以話呢~人言可貴呀~~
用多個角度睇樣其實真係舒服好多~
"緣份得來不容易,訂此緣份需三生,既是有緣棲一樹,你你我我何必分"
其實我好多謝我身邊每一位既人
不論擦身而過也好,陪我行過某一段路也好
我都好感激你地~
係時候要行出我人生既另一步了~~
千萬不要用怨恨或生氣去面對~
這樣既日子
你永遠唔會得到心靈既寧靜~
哈哈~
突然之間覺得自己老左好多tim~~~
喂喂~我25ja.....
唔係好老ga ja~
哈哈~~~~
樣就梗加啦~~~

再次係到多謝我身邊每一位好友~~~~
感激再感激你地~~~~~
多謝~~~~~~~

人生既新一頁~

哈哈~~~
聽日終於放假啦~~~~
勁爆開心~~~
十幾日未放過假真係好累~
聽日一定要訓番夠本先~~哈哈~

琴晚放工唔知點解唔係好想番屋企~
於是放工走去搵阿細波傾下計~
見到細波做緊野我又好似唔係咁好意思阻住佢~
不過最終我係佢公司裡傾左好多野~
其實細波比我感覺都係一個幾成熟既人~
佢做事既手法同諗法都幾好~
佢會為他人著想~~會顧人地個感受
有陣時我覺得如果我好似佢咁就好啦~
因為我好羨慕佢可以變得咁堅強咁硬朗~
但後面既辛酸邊個會知呀~
古語有云:'經一事,長一智"同埋現代人說法"唔跌過唔知痛"呢d說法~
其實真係好work~
有d野真係要自己親身經歷過先可以變得堅強~
細波~~~永遠以你為榮~~~
同完細波傾完之後我就番左大埔番三家姐食糖水~
哈哈~
家姐個樣真係勁累
但佢仲肯陪我出黎傾計~
呢個家姐真係唔話得~~~~
勁爆愛你呀~家姐~
記得我地既planning呀~
我地要去海洋公園&disneyland&天壇大佛&行街ga~
哈哈~~~
諗起都開心~
係我呢一生之中~
除左我宜家既屋企人之外
我班小學識到宜家既同學就係我第二個屋企人~
因為我地經歷既野太多了~~~
證明我地既友情係唔會變既~~~~
我地早早已經唔只係朋友&知己咁簡單~~
我地已經係一家人了~
哈哈~真係"我們這一家"哈哈~

好啦~到左今日放工~
我約左個好內好內無見既中學同學~
亦都係我係上一篇xanga提及過既好兄弟阿胡生出黎食飯~
哈哈~
頭先見番佢真係好開心~
因為我地大大話話無見都有成3,4年了~
頭先見番佢真係覺得番回中學時期既時候~
哈哈~
之後我地係M記到食野傾左好多大家近排既生活呀~~~
好多好多趣事~講番起中學既時候真係好kid
不過呢d童年往事先最值得回味~
食食下途中我地見到隔離有對小情侶係到依泣
哈哈~世風日下竟然會咁~
唉~之後我地仲講笑諗住用手機拍佢地之後放上youtube到~
哈哈~
坐左一陣我地就閃人~
轉移我屋企樓下吹水~
當我們談及到人生觀&愛情觀既時候
佢真係好成熟~
連我自己都覺得自己有點羞家~
當談及我既時候~
佢先同我分析了我既性格~
佢話我太感情用事同太固執同埋諗野諗得好灰
佢講過如果對件事係好既,呢種執著亦都係好事~
但如果執著係為自己好既時候,呢種執著變出一個唔好既念頭~
就好似一對情侶咁講~
如果你得唔到對方你想要既野
你就會顯得好唔開心好討厭既感覺,只會怨對方點解唔得點解做唔到
但試一下退一步咁諗~
其實每個人都有優點同缺點
佢做唔到但唔等於佢唔係唔想做~
可能對方會係到諗會否行得太快又或者行完呢步既話之後下一步又應該點去行呢~

阿胡解釋過比我聽一段感情去到某一個位既時候
就會出現兩個情況
一:雙方願意行既話,結果固之然好啦,最終大家都會行得開心好多~
二:如果其中一方選擇原地踏步既話..雙方都會變得好辛苦..大家都不肯卻步既時候..最終都會分手收場~
所以佢覺得感情既野真係無得逼~而我亦確切感受到呢個道理~
係人生觀這一點~佢亦有勸我放下我既執著~
唔好再死牛一面頸~因為這樣下去就永遠得唔到心靈上既寧靜~
哈哈~~~
好野~~~你係得既~~
仲有一樣野我係最buy佢講~
佢叫我如果想放鬆d就去游下水
我同佢講我有學呀~游完之後~好似比人打咁
之後佢彈左一句出黎~令我有如夢初醒既感覺~
佢話游水可以反映到你本身個人既性格
佢話游水係一種relax既活動
你游得咁辛苦咁用力
就好似你本身個人咁~咁緊張~
之後我就好認同佢所講~
好掂~

其實阿胡佢本身既性格係一個極之開朗既人
佢唔會去計較又或者執著~
因為佢覺得無咁既必要咁做
同埋佢係一個幾樂於助人既人~
同佢做朋友真係好舒服~~佢好肯去幫人~
同埋佢諗野既觀念係好正確~好正面~
呢個兄弟真係令我好服佢~
佢亦都好撐我~~~
呢係到我真係好衷心咁多謝佢~~~
多謝佢既意見
多謝佢肯百忙之中都抽時間見我呢個老朋友~
多謝佢令我開始對我既所有觀念有番d正面諗法
犧牲小我完成大我既樣野未必個個做得到
但佢真係可以~
好叻~~~

有了你這位兄弟~真係我既福氣~~~

仲有好多好多朋友~~~
阿庭,軒軒,文狄,奶奶,金金,細波,阿貓,妹夫,女貓,仁仁,同埋我可愛同類既表妹~~哈哈~
你地同樣係我身邊重樣重要~
好多謝你地~~~~~
萬分感激~~~

ps:點解我會寫可愛同類既表妹呢~係因為我表妹真係好可愛~同類既意思係因為我同佢一樣都係咁低b,成日講埋d kid野之後一起傻笑~
哈哈~~~我知妳一定會睇到~~
哈哈~~~~~表妹~~我地又再相認了~哈哈~~~
妳講左句樣好爆~~~
哈哈~
妳係得既表妹~~
哈哈~

緣起緣滅

呢幾日既感覺真係好辛苦~
唔講唔覺我同你分開了第5日了~
而我既生活習慣仲未可以平淡下來~
我仲好掛住每天與你通話~
見到你那刻~還有放假既日子~
依然還在我腦海流過~
自3月24號晚~我同你分開既第一日
我的心從未試過咁痛~
係火炭火車站月台大哭大叫,希望你會回來我身邊
你卻很冷漠地說"唔會!"之時
我發覺我真的受傷了~
真的很痛~
這種痛比我平時刀傷,比滾油彈傷更痛
說畢我希望你第二日見我最後一次
那朝早上我很早便醒了~
因為我無訓過~
在床上不斷地喊~
到了番工既時候~我都忍唔住喊了出來~
之後就不斷期待放工那刻~
到了放工時候
我便趕到火車站見你最後一面~
好了~話說沒完差不多到了大埔火車站~
我打比你~你說5分鐘後到~
那刻我又再喊~
當見到你之後~你那冷笑~我真的很痛~
當你說要走既時候,我喊了出來~
你沒有回頭望~
我只望著你既身影離開~
那刻我的確有死既念頭~
幸好我每位朋友真的很關心我同擔心我~
他們不斷打黎安撫我心情~
好多謝你地~
阿貓~妹夫~金金~細胸~大哥~阿仁~奶奶~
沒有你地我諗我現在已經跟我阿公一起相見了~

要走既永遠都留唔到~
所以我現在只有祝福你生活好點~
祝你和他可以活得更愉快~

頭先我打比我中學同學~同佢傾心事~
原來他和他的女朋友散左~
他們一起已有了5年多少少~
最初聽到5年這個數字覺得好長久~
我勸他唔好唔開心~
但他對我說他沒有~
因為他覺得他已盡了他做男朋友既本份~
跟本沒有唔開心..只係唔慣身邊少了個人~
他說:"他選擇了他的家人而放棄我"
他真的想得很通~
他為了他的女朋友真的放棄了很多野~
或者不要說是放棄,而是犧牲了很多野~
但他沒有怪她~因為佢覺得佢選擇覺得啱既,就更應該支持她~
但他最唔開心既係他不知道怎同佢家人解釋
因為他們同居都有3年多了~
而他的娘親已當了他的女朋友是新抱仔~
當他分開了第二天後,他鼓起勇氣跟他家人說~
他的娘親真的很心痛~像瘋了一樣~
他見到他的娘親咁樣~很不高興~
但他沒有為了這樣而恨他~
因為他常抱住一個心態說~"慨來之則安之"
他也知道我失戀~他也跟我說同一番說話~
他跟我講了很多事~勸我下一段感情不要再犯~
聽完了他一番安慰說話後~感覺舒服了很多~
他年幾比我細一年~
但他竟然可以勸番我轉頭~
大家都在情路受傷~但他可以堅強地去面對~
好勁~~試問下5年感情突然間無左~
我諗我肯定會傻~
但他仍然像不倒翁一樣~依然站立~
勁~
期間我們也談論不少大家既心事~
哈哈~呢d野只有我同佢知~~
PS:阿胡~識你咁內先同你講今晚既事~希望你唔好介意咁遲先同你講~
哈哈~

不過真的很多謝你~
你教曉我好多野~
係到祝你快d搵番個鍚你既女朋友啦~
仲有我地既做老細既計劃~哈哈~

聽完他的事之後~我覺得他5年既感情無左他仍然可以堅強地生活
而我呢d拘拘幾個月就話要生要死既感覺,真係小毛見大毛~
真的很醜怪~講出黎都比人笑~

朋友們~~~~~~~~~~~
多謝你地呀~~~~~~~
我愛你們~~~~~~~~~~~~~~~~~~~~
希望下段道路定會更精彩啦~